پاکستان میں موسم سرما میں وقفہ متوقع، بعد ازاں ملک گیر شدید سردی، بارشیں اور برف باری کی واپسی

 


جو لوگ ابھی سے شدید ریکارڈ توڑ سردی سے پریشان تھے ان کے لئے خوشخبری کیونکہ شمالی بحیرہ عرب اور خلیجی ریاستوں پر بننے والے ہوا کے زیادہ دباؤ اور اسکے برعکس جنوبی و وسطی بحیرہ عرب میں غیر معمولی طوفانی سرگرمیوں کی وجہ سے دسمبر کے پہلے 7 روز کے دوران پاکستان بھر میں موسم سرما میں وقفہ متوقع ہے۔ اس دوران ملک بھر میں دن و رات کے درجہِ حرارت معمول سے ۱-۳ ڈگری سینٹی گریڈ زیادہ رہیں گے۔ بحیرہ عرب اور خلیجی بنگل میں دسمبر اور نومبر کے مہینوں میں ایک کے بعد ایک سمندری طوفان اور سسٹموں کا بننا انتہائی نایاب اور غیر معمولی ہے۔ 

شہر کراچی کی بات کریں تو سندھ کے سب سے بڑے شہر میں بھی دسمبر کے پہلے 7 روز کے دوران موسم سرما میں ایک وقفہ متوقع ہے اس دوران شہر کے درجہِ حرارت معمول سے ۱-۳ ڈگری سینٹی گریڈ زیادہ ہوں گے اور دن کے اوقات میں ہلکی گرمی محسوس ہوسکتی ہے۔ 

دسمبر کے مہینے میں کراچی میں دن کا اوسطاً درجہِ حرارت 28.7 ڈگری ہے جبکہ اس دوران دن کا درجہِ حرارت 30-32 ڈگری سینٹی گریڈ کے درمیان رہے گا جبکہ دسمبر کا اوسطاً کم سے کم درجہِ حرارت 12.7 ڈگری ہے جبکہ اس دوران شہر کا رات کا درجہِ حرارت 14-18 ڈگری سینٹی گریڈ کے درمیان رہے گا۔ 



دسمبر کے دوسرے ہفتے سے مغربی سسٹم واپس پاکستان کا رخ کریں گے، دسمبر کا پہلا مغربی سسٹم 4 دسمبر سے ملک کے شمالی علاقوں کو متاثر کرے گا وہ کمزوڑ شدت کا ہوگا اسکے بعد 7 دسمبر کے آس پاس ایک اور اس سے بہتر شدت کا مغربی سسٹم متوقع ہے۔ مجموعی طور پر اچھی شدت کے مغربی سسٹم دسمبر کے دوسرے سے چوتھے ہفتے کے دوران ملک بھر کو متاثر کریں گے اور گوادر سے سری نگر تک بارشوں کا باعث بنیں گے ممکنہ طور پر کراچی بھی اس دوران ایک آتھ بارش دیکھ سکتا یے۔ سردی کی لہریں بھی دسمبر کے دوسرے ہفتے سے واپس آنا شروع ہو جائیں گی۔ 

 

Post a comment

0 Comments