کراچی سمیت سندھ بھر میں مون سون کی شدید بارشوں کا امکان۔۔ کہیں کہیں سیلابی صورتحال کا خطرہ

سندھ کے مشرقی علاقوں میں مون سون ہوائیں داخل ہونا شروع! جیسا کہ ہم نے کہا تھا کہ 28 جون سے سندھ کے مشرقی علاقوں میں  مون سون ہوائیں داخل ہونا شروع ہوجائیں گی اور اس وقت گرج چمک کے بادل بھارت سے مشرقی پاکستان میں داخل ہونا شروع ہوگئے ہیں، آئندہ آنے والے 24/48 گھنٹوں کے دوران تھرپارکر، بدین، مٹھی، اسلام کوٹ، چھاچرو اور گردونواح میں کہیں کہیں گرج چمک کےساتھ بارش ہونے کے امکانات موجود ہیں۔ 

گزشتہ چند روز سے کراچی شہر میں سمندری ہوائیں نہ ہونے کے برابر تھیں، جو کہ سمندر میں موجود ہوا کے کم دباؤ کی وجہ سے منقطع ہوئیں۔ تاہم بحیرہ عرب میں ہوا کا کم دباؤ کمزور ہو چکا ہے جسکے سبب آج رات سے سمندری ہوائیں بحال ہونا شروع ہو جائیں گی اور گرمی کی شدت میں کچھ کمی اور موسم میں قدرے بہتری آئیگی۔ تاہم حبس کی صورت حال برقرار رہنے کا امکان مون سون ہوائیں 1 جولائی کی رات سے تھرپارکر،  عمر کوٹ سے سندھ میں داخل ہوں گی۔ 29 جون سے مون سون میں تیزی آئے گی، 2 اور 3 جولائ کو حیدرآباد ، میرپور خاص، ٹنڈوالہیار، تھرپارکر، نگر پارکر اسلام کوٹ، مٹھی ، عمر کوٹ، ماتلی ،ڈگری، کھپرو، شہداد پور، بدین، ٹھٹہ، نوری آباد، چوہڑ جمالی میں بھی اچھی بارشیں دیکھنے کو ملیں گی۔اور لاڑکانہ، سکھر میں اس دوران ہلکی سے درمیانی بارش کے چانسز ہیں۔ہے۔

 شہر قائد میں ہلکی بارش ہونے کا امکان ہے۔ بارشوں کا پہلا سسٹم 1/2جولائی کے دوران سندھ میں اور 2/3 جولائی سے کراچی میں موسلا دھار بارشیں ہونے کا امکان ہے۔ اس دوران کچھ علاقوں میں شدید بارشیں بھی ہوسکتی ہیں۔ کراچی میں حالات پیشگوئی کے عین مطابق رہے تو کہیں کہیں 100 ملی میٹر سے زائد بارش بھی ہوسکتی ہے۔ 

سندھ کے کچھ علاقے جن میں وسطی سندھ اور جنوبی سندھ شامل ہے  وہاں کچھ مقامات پر شدید بارشوں کے باعث نشیبی علاقوں میں سیلابی صورتحال پیش آسکتی ہے۔ کراچی شہر کی انتظامیہ کو ہم مطلع کرنا چاہتے ہیں کہ کراچی شہر میں موسلا دھار بارشوں  اور کسی بھی ناخوشگوار صورت حال سے نمٹنے کیلئے  انتظامات مکمل کر لیے جائیں۔

اویس حیدر، موسمی تجزیہ کار پاک ویدر